حیدرآباد ۔موسی ندی میں پانی کی سطح بڑھنے کے بعد جمعہ کی رات عثمان ساگر اور حمایت ساگر سے زائد پانی چھوڑا گیا جس کے نتیجے میں نشیبی آبادیوں میں سیلابی کیفیت پیدا ہو گئی۔ اس دوران 1,200 سے زائد خاندانوں کو GHMC Flood Relief Hyderabad کے تحت فوری طور پر محفوظ مقامات پر منتقل کیا گیا۔
گریٹر حیدرآباد میونسپل کارپوریشن اور ڈیزاسٹر ریسپانس فورس کی ٹیموں نے متاثرہ مکینوں کو سرکاری اسکولوں، کمیونٹی ہالز اور فنکشن ہالز میں منتقل کیا۔ حکام کے مطابق شنکر نگر کے 500 افراد کو شاہزادے مسجد پہنچایا گیا، جبکہ ملک پیٹ کے موسیٰ نگر کمیونٹی ہال نمبر 2 میں 150 افراد کو ٹھہرایا گیا۔ موسی رام باغ پل کے قریب درگا نگر اور امبیڈکر نگر کی 45 خاندانوں کو لنکا گورنمنٹ ہائی اسکول منتقل کیا گیا، جب کہ اسی علاقے کے مزید 21 خاندان اسکول کی بالائی منزل پر منتقل ہوئے۔
ڈیزاسٹر ریسپانس فورس کی کارروائیاں
لنکا کمیلا کے قریب کرشنا نگر کے 32 افراد کو کرشنا نگر کمیونٹی ہال منتقل کیا گیا، اور بھولکشی مندر کے قریب رہنے والے 55 افراد کو جی ایچ ایم سی کے گھوڑے کی قبر کمیونٹی ہال پہنچایا گیا۔
ڈیزاسٹر ریسپانس فورس آوٹر رنگ روڈ پر نرسنگی اور منچیروولا کے درمیان پھنسے ہوئے چار افراد کو بھی بچایا۔ یہ لوگ ایک آٹو ٹرالی میں سفر کر رہے تھے جو پانی میں بند ہو گئی تھی۔ پولیس اور ڈیزاسٹر ٹیموں نے رسیوں اور خصوصی گاڑی کے ذریعے ان افراد کو محفوظ مقام تک پہنچایا اور آٹو ٹرالی کو بھی باہر نکالا۔
GHMC Flood Relief Hyderabad کے تحت ہفتے کے دن جی ایچ ایم سی کمشنر آر وی کرنن نے عنبرپیٹ سرکل کے لنکا گورنمنٹ ہائی اسکول میں قائم ریہیبلیٹیشن سینٹر کا معائنہ کیا۔ انہوں نے عملے کو ہدایت دی کہ متاثرہ خاندانوں کو فوری طور پر کھانے اور ضروری اشیاء فراہم کی جائیں۔ بعد ازاں انہوں نے موسی ندی پر زیر تعمیر پل کا بھی معائنہ کیا جہاں انجینئروں نے بتایا کہ مکمل حصے محفوظ ہیں لیکن پانی کے تیز بہاؤ نے پی 1 اور پی 2 پلرز کے درمیان لگائی گئی سنٹرنگ کو بہا دیا۔
About the Author
