حیدرآباد ۔ جمعہ کی شام موسلادھار بارشوں کے بعد موسی ندی میں خطرناک طغیانی آ گئی جس سے مہاتما گاندھی بس اسٹیشن (ایم جی بی ایس) کے اطراف سیلابی پانی داخل ہو گیا۔ صورتحال کے پیش نظر ہنگامی اقدامات کرتے ہوئے بڑی تعداد میں مسافروں کا MGBS Flood Evacuation عمل میں لایا گیا۔
ندی کا پانی ایم جی بی ایس کے قریب دو پلوں پر بہہ گیا جس کے بعد حکام نے بس ٹرمینل میں پھنسے ہزاروں مسافروں کو فوری طور پر خبردار کیا۔ وزیر اعلیٰ اے ریونت ریڈی نے رات گئے پولیس، جی ایچ ایم سی اور ضلع انتظامیہ کے ساتھ صورتحال کا جائزہ لیا اور مسافروں کو بحفاظت منتقل کرنے کی ہدایت دی۔ انہوں نے خود بھی آدھی رات کو موقع پر حالات کا معائنہ کیا۔
بس خدمات معطل اور نئی سمتوں کا اعلان
ایم جی بی ایس کے افسر سکھندر ریڈی نے بتایا کہ رات 8 بجے کے بعد سیلابی پانی احاطے میں داخل ہوا جس کی وجہ سے بس خدمات معطل کرنی پڑیں۔ حکام نے بسوں کا داخلہ روک دیا اور انہیں مختلف مقامات کی طرف موڑ دیا گیا۔
کھمم، نلگنڈہ اور میڑچل کی جانب سے آنے والی بسوں کو صرف دلسکھ نگر تک محدود کر دیا گیا۔ کرنول اور محبوب نگر کی خدمات عارضی طور پر آرم گڑھ تک چلیں۔ ورنگل اور ہنمکنڈہ سے آنے والی بسیں اپل پر روک دی گئیں جبکہ عادل آباد، کریم نگر اور نظام آباد کی بسیں جے بی ایس پر ختم ہوئیں۔
MGBS Flood Evacuation کے بعد حکام نے محفوظ مقامات پر ریزرویشن والے مسافروں کے لیے نئے پک اپ پوائنٹس مقرر کیے ہیں۔ مزید 100 ایم جی بی ایس ملازمین کو کل سے ڈیوٹی پر تعینات کرنے کا فیصلہ کیا گیا ہے تاکہ صورتحال پر قابو پایا جا سکے۔
About the Author
