حیدرآباد ۔ اسٹوڈنٹس اسلامک آرگنائزیشن (ایس آئی او) حیدرآباد نے 23 ستمبر کو اسکولی طلبہ کے لیے شہر کا سب سے بڑا سیرت ایکسپو منعقد کیا۔ Seerat Quiz Competition “محسنِ انسانیت ﷺ” کے عنوان سے ربیع الاول کی مناسبت سے منعقدہ اس پروگرام میں تقریباً 10,000 شرکاء نے حصہ لیا۔
ایس آئی او حیدرآباد کے سکریٹری عبدالصبور نے بتایا کہ اس ایکسپو کے تحت 200 سے زائد اسکولوں میں خطابات ہوئے جبکہ 90 سے زیادہ اداروں کے طلبہ نے مختلف مقابلوں میں شرکت کی۔ 100 سے زائد بچوں نے نبی کریم ﷺ کی سیرت پر 50 مفصل ماڈل پیش کیے جنہیں والدین اور اساتذہ نے بے حد سراہا۔
پروگرام میں سیرت کوئز اور تھری ڈی ماڈل سازی کے مقابلے شامل تھے۔ کامیاب طلبہ کو 50,000 روپئے سے زیادہ کے انعامات دیے گئے۔ والدین نے اس اقدام کو خوش آئند قرار دیتے ہوئے کہا کہ اس طرح کے پروگرام نئی نسل کی فکری اور اخلاقی تربیت میں اہم کردار ادا کرتے ہیں۔
فلسطین سے اظہارِ یکجہتی
Seerat Quiz Competition ایکسپو میں سیاسی شعور کی جھلک بھی نظر آئی۔ طلبہ نے مختلف ماڈلز کے ذریعے فلسطینی عوام سے یکجہتی کا اظہار کیا۔ خاص طور پر ہند رجب نامی فلسطینی بچی کی شہادت پر بنایا گیا لائف سائز ماڈل توجہ کا مرکز رہا۔
تقریب میں 20 کے قریب سوشل میڈیا انفلوئنسرز نے بھی شرکت کی۔ منتظمین نے کہا کہ اس ایکسپو کا مقصد طلبہ میں نبی کریم ﷺ کی تعلیمات کو اجاگر کرنا اور عملی زندگی میں اعلیٰ اقدار اپنانے کی ترغیب دینا ہے۔
About the Author
