Hyderabad: IMD Hyderabad ne peer ko kaha hai ke Telangana ke kai zilon mein aaj heavy rain hone ka imkaan hai. Yeh heavy rain, surface circulation aur trough ke mushtarqa asar ki wajah se hogi.
Department ke mutabiq Nirmal, Nizamabad, Rangareddy, Vikarabad, Sangareddy, Mahbubnagar, Nagarkurnool, Wanaparthy, Narayanpet aur Jogulamba Gadwal mein tez barish padne ki umeed hai. Kuch ilaqon mein 30 se 40 kilometre per ghanta ki raftaar se hawa chalegi. heavy rain ke Sath hi bijli girne aur garaj ke imkaan bhi hain.
Doosre zilon mein halki se motadil barish ho sakti hai. Hyderabad mein dopahar tak mausam khushk rahega. Lekin shaam se raat tak bijli ke sath garaj chhamak hone ki umeed hai.
Afsaaraan ne kaha hai ke yeh system poore hafte tak active rahega. 27 September tak Telangana mein bijli, garaj chhamak aur tez hawaon ke sath toofani barish hogi.
IMD ne bataya ke 25 September ko east-central Bay of Bengal mein aik low-pressure system banega. Yeh system North Bay ke qareeb hoga. 26 September ko yeh depression mein tabdeel hoga. 27 September ko yeh saahil se takraayega. Is asar se Telangana mein 27 tak bohat zyada barish padne ka imkaan hai.
About the Author
