حیدرآباد: حیدرآباد ڈیزاسٹر رسپانس اینڈ ایسٹ پروٹیکشن ایجنسی (HYDRAA) نے عوامی سہولت کے لیے شہری شکایات درج کرانے کا نیا ٹول فری نمبر شروع کیا ہے۔
منگل کے روز جاری بیان میں HYDRAAکمشنر اے وی رنگناتھ نے کہا کہ اب شہری جھیلوں اور نالوں پر ناجائز قبضوں، پارک کی زمینوں پر تجاوزات اور ڈیزاسٹر مینجمنٹ سے متعلق مسائل کی شکایات ٹول فری ہیلپ لائن 1070 پر درج کراسکتے ہیں۔
شہری شکایات کے لیے نیا نمبر
اب تک شکایات صرف پراجاوانی اور ای ایکس پلیٹ فارمز کے ذریعے درج کی جاتی تھیں، تاہم عوامی رسائی بڑھانے کے لیے یہ نیا ہیلپ لائن نمبر متعارف کرایا گیا ہے۔
رنگناتھ نے مزید بتایا کہ آوٹر رنگ روڈ کے حدود میں سرکاری یا عوامی سہولتوں کی زمین پر قبضوں کے سلسلے میں شہری واٹس ایپ نمبر 8712406899 پر تفصیلات، تصاویر یا ویڈیوز کے ساتھ شکایت درج کراسکتے ہیں۔ اسی طرح سیلاب یا دیگر آفات سے متعلق شکایات کے لیے 8712406901 یا 9000113667 پر بھی اطلاع دی جاسکتی ہے جو پہلے سے فعال ہیں۔
