حیدرآباد: ساؤتھ زون پولیس نے پیر کی شام چھتری ناکہ ڈویژن میں Ganesh Festivalکے سلسلے میں سیکورٹی انتظامات کے تحت فلیگ مارچ منعقد کیا۔ اس مارچ میں ریپڈ ایکشن فورس (RAF) اور مقامی پولیس کے دستے شامل تھے۔ مارچ شاہ علی بنڈہ، مغل پورہ اور چھتری ناکہ پولیس اسٹیشن حدود کے حساس علاقوں سے گزرا۔ پولیس حکام نے کہا کہ اس کارروائی کا مقصد عوام میں اعتماد پیدا کرنا اور تہوار کے جلوسوں کے پیش نظر تیاری کو یقینی بنانا ہے۔
ڈپٹی کمشنر پولیس کی ہدایتیں
فلیگ مارچ کے بعد ساؤتھ زون کی ڈپٹی کمشنر پولیس محترمہ اسنیہا مہرا (آئی پی ایس) نے کہا کہ Ganesh Festival کے دوران امن و امان برقرار رکھنے اور کسی بھی ناخوشگوار واقعہ کو روکنے کے لئے بروقت اقدامات ضروری ہیں۔ ان کے مطابق اس سے عقیدت مندوں کے لئے پُرسکون ماحول فراہم ہوگا۔
ڈی سی پی نے عقیدت مندوں سے اپیل کی کہ وہ اپنے جلوس بروقت شروع کریں اور بلند آواز میں موسیقی یا ڈی جے نہ چلائیں تاکہ گنیش تہوار کے دوران پرسکون اور محفوظ ماحول برقرار رکھا جاسکے۔
