حیدرآباد: سائبر دھوکہ بازوں نے گزشتہ ماہ دو مختلفCyber Fraudکے ذریعہ حیدرآباد کے دو شہریوں کو 2 لاکھ روپئے سے زائد کا نقصان پہنچایا۔ ایک معاملہ جعلی بلنکٹ کسٹمر کیئر کال کا ہے جبکہ دوسرا واقعہ ایمیزون پے اکاؤنٹ ہیک ہونے سے متعلق ہے۔
بلنکٹ کسٹمر کیئر کے نام پر دھوکہ
اعظم پورہ کے رہنے والے 69 سالہ شخص نے 26 July کو بلنکٹ ایپ کے ذریعہ میک اپ کا سامان آرڈر کیا۔ سامان خراب حالت میں ملنے پر انہوں نے گوگل پر بلنکٹ کسٹمر کیئر نمبر تلاش کرکے ایک فون نمبر ملایا۔ اس نمبر پر جواب دینے والے دھوکہ باز نے متبادل سامان دینے کا وعدہ کیا اور متاثرہ کی اہلیہ سے کہا کہ وہ پے ٹی ایم اور ایک APK فائل انسٹال کریں جو واٹس ایپ پر بھیجی گئی تھی۔
اس کے بعد فراڈیوں نے فون کا ریموٹ کنٹرول حاصل کرلیا اور متاثرہ خاتون کے اکاؤنٹ سے 4,193 روپئے نکال لئے۔ اسی طریقہ کار سے بہو کے فون سے بھی 98,001 روپئے نکالے گئے۔ اس خاندان کو کل 1,02,194 روپئے کا نقصان ہوا جس کے بعد انہوں نے پولیس سے شکایت درج کروائی۔
ایمیزون پے اکاؤنٹ ہیک
ایک اورCyber Fraud واقعہ میں چندرایان گٹہ کے 37 سالہ شخص نے 14 July کو اپنے ایمیزون پے اکاؤنٹ میں 1,12,500 روپئے لوڈ کئے اور ملابار گولڈ اینڈ ڈائمنڈز سے دو سونے کے سکے خریدے جن کی قیمت فی کس 55,489 روپئے تھی۔ تاہم جب دونوں آرڈرز کینسل ہوگئے تو رقم واپس کردی گئی۔
17 July کو متاثرہ نے پایا کہ اس کا ایمیزون اکاؤنٹ ڈی ایکٹیویٹ ہوگیا ہے۔ ایمیزون سپورٹ سے رابطہ کرنے پر معلوم ہوا کہ کسی نے اس کے رجسٹرڈ موبائل نمبر اور ای میل آئی ڈی میں تبدیلی کرلی ہے اور تین غیر مجاز ٹرانزیکشن کئے گئے۔ اس طرح متاثرہ کو 1,11,740 روپئے کا نقصان ہوا۔ اس سلسلے میں بھی سائبر کرائم پولیس سے شکایت درج کرائی گئی۔
About the Author
