حیدرآباد: کمیونسٹ پارٹی آف انڈیا (CPI) کے نیشنل سکریٹری ڈاکٹر کے. نارائنا نے سابق چیف منسٹر اور بی آر ایس صدر کے چندر شیکھر راؤ (کے سی آر) CPI on KCRسے مطالبہ کیا ہے کہ وہ اپنی ایم ایل اے نشست سے استعفیٰ دیں، کیونکہ وہ جاری اسمبلی اجلاس میں شریک نہیں ہورہے ہیں۔
اتوار کو جاری ایک بیان میں نارائنا نے کہا کہ کے سی آر اہم مباحثے، بشمول 42 فیصد بی سی ریزرویشن بل اور کالیشورم پروجیکٹ رپورٹ کی پیشکشی کے دوران بھی غیر حاضر رہے۔
نارائنا کا الزام
’’اسمبلی اجلاس میں شریک ہونے کے بجائے کیا کے سی آر فارم ہاؤس میں ڈرامے کررہے ہیں؟ یہ انتہائی غیر ذمہ دارانہ رویہ ہے،‘‘ انہوں نے کہا۔
حکومت کی ستائش
انہوں نے وزیراعلیٰ اے ریونت ریڈی کو بی سی ریزرویشن بڑھانے کے بل پیش کرنے پر سراہا اور زور دیا کہ اس بل کو فوری طور پر منظور کرکے مرکز کو روانہ کیا جائے۔ نارائنا نے اعادہ کیا کہ سی پی آئی حکومت کے ساتھ اس مسئلے پر کھڑی ہے اور تمام جماعتوں سے اپیل کی کہ وہ پسماندہ طبقات اور ریاست کے مفاد میں تعاون کریں۔
About the Author
