حیدرآباد: میدک ضلع کے شیوم پیٹ منڈل میں کسانوں نے پیر کے روز مسلسل Urea shortageکے خلاف سڑک روکو احتجاج کیا۔ سینکڑوں کسانوں بشمول خواتین نے نرساپور۔تُوپران قومی شاہراہ کو تقریباً 40 منٹ تک بند رکھا جس سے ٹریفک میں رکاوٹ پیدا ہوئی اور مسافروں کو دشواریوں کا سامنا کرنا پڑا۔
صبح سے ہی کسان شیوم پیٹ زرعی کوآپریٹیو سوسائٹی کے دفتر کے باہر جمع ہونا شروع ہوگئے تھے۔ وہ قطاروں میں کھڑے ہوکر اپنے کھیتوں کے لئے یوریا حاصل کرنے کے منتظر تھے، لیکن جب حکام نے بتایا کہ اسٹاک دستیاب نہیں ہے تو کسانوں نے دھرنا شروع کردیا اور سڑک پر اتر آئے۔
مقامی پولیس نے ہجوم کو سمجھانے کی کوشش کی مگر کسان پیچھے ہٹنے کو تیار نہیں تھے۔ سب انسپکٹر مدھوکر ریڈی موقع پر پہنچے اور زرعی حکام سے بات چیت کے بعد کسانوں کو یقین دلایا کہ نیا یوریا اسٹاک اگلے دن پہنچ جائے گا۔ اس یقین دہانی کے بعد کسانوں نے اپنا احتجاج ختم کردیا۔
کسانوں نے یوریا قلت پر شدید برہمی ظاہر کرتے ہوئے کہا کہ ہم نے اپنا کام چھوڑ کر گھنٹوں لائن میں کھڑے رہے لیکن خالی ہاتھ واپس جانا پڑا۔ اگر وقت پر یوریا نہ ملے تو فصلیں برباد ہوجائیں گی۔
انہوں نے حکومت اور حکام پر کسانوں کے مسائل کو نظرانداز کرنے کا الزام عائد کرتے ہوئے مطالبہ کیا کہ فوری کارروائی کی جائے اور میدک میں مسلسل یوریا فراہمی کو یقینی بنایا جائے۔
About the Author
