حیدرآباد: تلنگانہ راشٹرا سمیتی (بی آر ایس) کے ورکنگ صدر کے ٹی راما راؤ KTRنے کانگریس حکومت کو تنقید کا نشانہ بنایا اور کہا کہ ریاست میں جرائم میں اضافہ ہو رہا ہے۔ انہوں نے خاص طور پر حیدرآباد میں حالیہ دو سنگین واقعات کا حوالہ دیا۔
کے ٹی آر نے سوشیل میڈیا پلیٹ فارم ایکس پر لکھا کہ شہر میں صرف ایک ہفتے کے دوران دو چونکا دینے والے جرائم پیش آئے ہیں — دن دہاڑے زیورات کی دکان میں اسلحہ دکھا کر ڈکیتی اور کوکٹ پلی میں 12 سالہ بچی کا قتل۔ ان کا کہنا تھا کہ کانگریس حکومت کے دور میں بڑھتے جرائم عوام کے تحفظ کے لیے خطرہ بن رہے ہیں۔
انہوں نے کہا کہ شہریوں کو خوف نہیں بلکہ تحفظ کی ضرورت ہے۔ کے ٹی آر نے الزام لگایا کہ حکومت نے پولیس کو سیاسی انتقام میں الجھا رکھا ہے جس کی وجہ سے جرائم پر قابو پانے میں کوتاہی ہو رہی ہے۔ اپنے مؤقف کو اجاگر کرنے کے لیے انہوں نے اخباری تراشے بھی شیئر کیے جن میں ان دونوں واقعات کی تفصیلات درج تھیں۔
بی آر ایس لیڈر کے یہ ریمارکس ایسے وقت پر سامنے آئے ہیں جب امن و قانون کے مسئلے پر اپوزیشن جماعتیں کانگریس حکومت پر دباؤ بڑھا رہی ہیں اور عوامی تحفظ کے موضوع پر سیاسی رسہ کشی میں اضافہ ہوتا جا رہا ہے۔
In just one week, Hyderabad has witnessed two shocking crimes – a daylight gunpoint robbery in a jewellery store & the brutal murder of a 12-year-old girl in Kukatpally
Under Congress Govt, rising crime rate is putting public safety in danger. Citizens deserve protection, not… pic.twitter.com/BFomZOq9kA
— KTR (@KTRBRS) August 19, 2025
