حیدرآباد: تلنگانہ میں اتوار کی شب سے پیر کی صبح تک ہونے والی موسلا دھار بارش نے کئی اضلاع میں سڑکوں کو پانی میں ڈبو دیا، نالے و ندی نالے ابل پڑے اور ٹریفک کا نظام درہم برہم ہوگیا۔ Telangana Rainfallکا سب سے زیادہ اثر وسطی تلنگانہ میں دیکھا گیا جہاں سدی پیٹ، کاماریڈی، میدک اور یادادری بھونگیر اضلاع شدید متاثر ہوئے۔
سب سے زیادہ بارش 236 ملی میٹر گورارام، ورنگَل منڈل، ضلع سدی پیٹ میں ریکارڈ کی گئی۔ سدی پیٹ کے ملگو منڈل میں 186.5 ملی میٹر، حیدرآباد کے مضافات توپران میں اسلام پور میں 179.5 ملی میٹر جبکہ کاماریڈی کے پٹلم منڈل میں 175.5 ملی میٹر بارش ریکارڈ ہوئی۔
میدک ضلع کے کوودی پلی میں 173.5 ملی میٹر اور شنکرام پیٹ میں 165.5 ملی میٹر بارش ہوئی۔ سنگاریڈی کے کانگٹی میں 169.8 ملی میٹر، یادادری بھونگیر کے اڈاگودر میں 164.8 ملی میٹر، نیزام ساگر (کاماریڈی) کے حسن پلی میں 164.5 ملی میٹر، ریایوپل منڈل (سدی پیٹ) کے بیگوپٹ میں 163.3 ملی میٹر، میدک کے دمارانچا میں 160.8 ملی میٹر اور مسا ئی پیٹ میں 148.8 ملی میٹر بارش ریکارڈ کی گئی۔
محکمہ موسمیات کے عہدیداروں نے بتایا کہ کم دباؤ کے نظام کی وجہ سے یہ بارش ایک شدید ترین صورتحال اختیار کرگئی جس کے نتیجے میں نشیبی علاقے زیرآب آگئے اور عوام کو آمد و رفت میں شدید دشواریوں کا سامنا کرنا پڑا۔
محکمہ موسمیات نے آئندہ چند دنوں کے لئے خبردار کیا ہے کہ ملگ، بھدرادری کھمم، محبوب آباد، کاماریڈی، میدک اور سنگاریڈی اضلاع میں مزید شدید تا نہایت شدید بارش، گرج چمک اور تیز ہواؤں کا امکان ہے۔
LAST 24HRS RAINFALL DATA 🌧️🌧️
Extreme Rains in Siddipet district & Very Heavy Rains in Medak, Kamareddy, Sangareddy, Yadadri, Nizamabad, Mulugu districts
(HIGHEST OBSERVED)
— Gouraram, Siddipet : 236.0 mm‼️Hyderabad got Moderate Rains & Highest is in Kukatpally : 46.3 mm pic.twitter.com/znumo3alKl
— Weatherman Karthikk (@telangana_rains) August 18, 2025
About the Author
