حیدرآباد: Singurملٹی پرپز پراجیکٹ میں ہفتہ کی صبح آبپاشی عہدیداروں نے مزید دو کریسٹ گیٹس کھول دیئے اور 43,176 کیوسیکس پانی منجیرہ ندی میں چھوڑا۔ یہ اقدام کیچمنٹ ایریا میں بھاری بارش کے بعد پانی کی آمد میں اضافے کے پیش نظر کیا گیا۔
جمعہ کو تین گیٹس کھولے گئے تھے۔ ہفتہ کے دن نمبر 6 اور 10 گیٹس کھولے جانے کے بعد اب مجموعی طور پر پانچ کریسٹ گیٹس سے پانی کا اخراج جاری ہے۔ ذخیرے میں اس وقت 24,000 کیوسیکس سے زائد پانی داخل ہورہا ہے اور انجینئروں نے کہا کہ سطح دن بھر مزید بڑھنے کا امکان ہے۔
سنگور پراجیکٹ میں فی الحال 21.849 ٹی ایم سی فٹ پانی موجود ہے، جبکہ مکمل ذخیرہ کرنے کی گنجائش 29.91 ٹی ایم سی فٹ ہے۔ اسی دوران ٹی جی جنکو کے تحت پراجیکٹ سے منسلک پاور پلانٹ بھی چلایا جارہا ہے۔
انتظامیہ نےمنجیرہ ندی کے نشیبی علاقوں میں رہنے والوں کو ہائی الرٹ جاری کیا ہے اور عوام کو مشورہ دیا ہے کہ وہ محتاط رہیں کیونکہ سیلابی پانی چھوڑا جارہا ہے۔
