حیدرآباد: بی آر ایس کے ورکنگ صدر اور سابق وزیر کے ٹی راماراؤ نے منگل کے روز مرکزی وزیر مملکت برائے داخلہ بنڈی سنجے کمار کو مبینہ فون ٹیپنگ الزامات پر قانونی نوٹس KTR Legal Noticeجاری کیا۔ نوٹس میں کہا گیا کہ 8 اگست کو ایک پریس کانفرنس میں دئیے گئے سنجے کے بیانات جھوٹے، بے بنیاد اور کے ٹی آر کی ساکھ کو نقصان پہنچانے کے لیے تھے۔
کے ٹی آر کے وکلاء نے الزام لگایا کہ بی جے پی لیڈر نے سیاسی فائدہ حاصل کرنے کے لیے بار بار بے ثبوت بیانات دئیے اور ایک منتخب نمائندے کو بدنام کرنے کے لیے اپنے سرکاری عہدے کا غلط استعمال کیا۔ وکلاء کے مطابق، سنجے کے کسی بھی الزام کے حق میں کوئی شواہد موجود نہیں، اور انہوں نے محض خبروں میں رہنے کے لیے بدنیتی پر مبنی پروپیگنڈہ کیا۔
نوٹس میں مطالبہ کیا گیا کہ سات دن کے اندر غیر مشروط معافی مانگی جائے اور آئندہ کے ٹی آر یا ان کے خاندان کے بارے میں براہِ راست یا بالواسطہ طور پر کوئی بھی توہین آمیز بیان دینے سے گریز کیا جائے۔ بصورت دیگر، ان کے خلاف دیوانی اور فوجداری کارروائی کی جائے گی اور پیدا ہونے والے کسی بھی نقصان کا ذمہ دار سنجے کو ٹھہرایا جائے گا۔ کے ٹی آر نے کہا کہ تلنگانہ کے قیام اور اس کے بعد اپنی خدمات کے باوجود، ان الزامات نے ان کی عوامی ساکھ کو نقصان پہنچایا ہے۔
About the Author
