حیدرآباد: سکندرآباد جی آر پی اور آر پی ایف نے ریلوے Chain Snatchingکے دو مقدمات میں ملوث ایک شخص کو گرفتار کر کے 77 گرام سونا برآمد کر لیا، جس کی مالیت 7.7 لاکھ روپئے بتائی گئی۔ پولیس نے ملزم کی شناخت 23 سالہ کورپروالو لاورا جو، سُرارم، جیڈی میٹلہ کے رہائشی کے طور پر کی، جو سکندرآباد ریلوے پولیس اسٹیشن کی حدود میں ہونے والی وارداتوں میں مطلوب تھا۔
لاورا جو آندھرا پردیش کے ضلع کاکی ناڈا کے سنکھاوارم منڈل کا رہنے والا ہے اور خازی پلی میں ہیٹرو لیب لمیٹڈ میں بطور جونیئر کیمسٹ کام کرتا تھا، جہاں اسے ماہانہ 23,000 روپئے تنخواہ ملتی تھی۔ تفتیش کاروں کے مطابق وہ شراب، سگریٹ اور آن لائن بیٹنگ، خصوصاً “Wolf 777” گیمنگ پلیٹ فارم کا عادی ہو گیا تھا اور ان عادتوں کو پورا کرنے کے لیے چوریاں کرتا تھا۔
پولیس کے مطابق ملزم سکندرآباد اسٹیشن پر بھیڑ والے ٹرینوں کو نشانہ بناتا تھا۔ 26 فروری 2025 کو اس نے سمہا پوری ایکسپریس میں ایک مسافر کا سونے کا چین چھینا، جبکہ 2 اگست کو گوتمی ایکسپریس میں واردات کی۔ تین میں سے دو چین اس نے نامعلوم خریداروں کو بیچ دیے اور تیسرا سورارم میں متھوت فِن کارپ کے ایک برانچ میں گروی رکھ دیا۔ حکام کا کہنا ہے کہ اس نے سارا پیسہ بیٹنگ میں ضائع کر دیا۔
خفیہ اطلاع پر کارروائی کرتے ہوئے جی آر پی اور آر پی ایف کی ٹیموں نے 11 اگست کی صبح 7 بجے سکندرآباد اسٹیشن کے باہر اسے حراست میں لے لیا۔ اس نے دونوں مقدمات (Cr.No.255/2025 اور Cr.No.428/2025) میں جرم کا اعتراف کر لیا، جو بھارتیہ نیایا سنہیتا کی دفعہ 304(2) کے تحت درج ہیں۔
اس کارروائی کی قیادت ایس ایچ او بی۔ سائی ایشور گوڑ اور آئی آر پی ایس۔ وی۔ سُببا ریڈی نے کی، جبکہ آر پی ایف انسپکٹر بھوانی شنکر سرسوت کی ٹیم نے معاونت فراہم کی۔ سپرنٹنڈنٹ آف ریلوے پولیس چندنا دیپتی، آئی پی ایس، اور ڈی ایس آر پی ایس۔ این۔ جاوید نے آپریشن کی نگرانی کی۔ آئی جی پی (ریلوے اینڈ روڈ سیفٹی) کے۔ رامیش نائیڈو، آئی پی ایس نے افسران کی ستائش کی اور ٹیم کے لیے انعامات کا اعلان کیا۔
About the Author
