حیدرآباد: تلگو فلم فیڈریشن نے آج سے تمام Shutdown of Shootingsکا اعلان کیا ہے کیونکہ فلم چیمبر کے ساتھ اجرت کے تنازع پر ہونے والی بات چیت ناکام ہوگئی۔ فیڈریشن نے واضح کیا کہ یہ بندش ان پروڈیوسرز کی فلموں پر بھی لاگو ہوگی جنہوں نے اجرت میں اضافہ مان لیا تھا۔
گزشتہ جمعہ کو فلم چیمبر نے فیڈریشن کے مطالبات کے خلاف احتجاج کرتے ہوئے پروڈیوسرز کو ہدایت دی تھی کہ وہ شوٹنگ کا کام روک دیں۔ دونوں فریقین کے سخت مؤقف کے باعث ٹالی ووڈ میں شوٹنگ کے تمام شیڈول فوری طور پر متاثر ہونے کی توقع ہے۔
پروڈیوسرز کا کہنا تھا کہ وہ اجرت میں اضافہ صرف اسی صورت میں کریں گے جب فیڈریشن ان کی طے شدہ شرائط مان لے۔ فیڈریشن کے قائدین نے 30 فیصد اجرت میں اضافے کا مطالبہ برقرار رکھتے ہوئے پروڈیوسرز کی مجوزہ فیصدی فارمولے کو مسترد کردیا۔ ان کا الزام تھا کہ پروڈیوسرز بعض یونینز میں پھوٹ ڈالنے کی کوشش کر رہے ہیں اور انہوں نے پیپلز میڈیا کے پروڈیوسر ٹی جی وِشوا پرساد سے فلم کارکنوں سے معافی مانگنے کا مطالبہ کیا۔
اس Shutdown of Shootings کے پیش نظر، تلنگانہ کے وزیرِ سینماٹوگرافی کومٹ ریڈی وینکٹ ریڈی نے آج پروڈیوسرز اور فیڈریشن کے قائدین سے ملاقات کا اعلان کیا ہے۔ فیڈریشن کے نمائندے آج شام وزیر سے ملاقات کرنے والے ہیں۔ وزیر نے کہا کہ وہ اس تنازع کو جلد ختم کرنے کی کوشش کریں گے۔
پروڈیوسرز نے امید ظاہر کی کہ یہ تنازع جلد ختم ہو جائے گا اور شوٹنگ کے شیڈول بحال ہو جائیں گے۔ تاہم آج کی ملاقات کسی نتیجے پر پہنچے گی یا نہیں، اس بارے میں کوئی یقین نہیں ہے۔
