حیدرآباد: تلنگانہ کے پہلے وزیر اعلیٰ اور بھارت راشٹرا سمیتی (BRS) کے سربراہ کے چندر شیکھر راؤ (کے سی آر) نے کہا ہے کہ پروفیسر Jayashankarکے نظریات کو عملی جامہ پہنانا اور ان کے وژن کو آگے بڑھانا ہی ان کو سب سے بڑا خراج ہے۔
6 اگست کو پروفیسر جئے شنکر کی یومِ پیدائش کے موقع پر کے سی آر نے تلنگانہ کے عوام کو مبارکباد پیش کی اور تلنگانہ تحریک کے اس فکری معمار کے ساتھ اپنی ذاتی اور سیاسی وابستگی کو یاد کیا۔ انہوں نے جئے شنکر کو ایک ایسے پختہ نظریاتی رہنما کے طور پر خراج پیش کیا جنہوں نے ریاست تلنگانہ کے قیام کے تصور کو علمی گہرائی اور عملی حکمتِ عملی کے ساتھ عوامی سطح پر عام کیا۔
“تحریک کے دوران ان کی رہنمائی فیصلہ کن رہی”
کے سی آر نے کہا کہ تلنگانہ تحریک کے دوسرے مرحلے میں پروفیسر جئے شنکر کی مشاورت اور تحریک نے نہ صرف عوامی جذبات کو مہمیز دی بلکہ تحریک کی حکمت عملی وضع کرنے میں بھی کلیدی کردار ادا کیا۔ انہوں نے کہا کہ تحریک کی سیاسی قیادت کے طور پر انہیں جو اعتماد حاصل ہوا، اس میں جئے شنکر کی رہنمائی کا بڑا دخل رہا۔
انہوں نے یاد کیا کہ پروفیسر جئے شنکر تحریک کے ہر مرحلے میں ان کے ساتھ کھڑے رہے اور مسلسل حوصلہ افزائی کرتے رہے۔ کے سی آر نے کہا کہ ان کی اپنی سیاسی جدوجہد بھی اسی خواب کی تعبیر کے لیے رہی جو جئے شنکر نے تلنگانہ کے لیے دیکھا تھا۔
“تلنگانہ کی تشکیل اور 10 سالہ حکمرانی، ان کے وژن کے مطابق”
کے سی آر نے کہا کہ ریاست تلنگانہ کا قیام اور اس کے بعد دس سالہ حکمرانی، پروفیسر جئے شنکر کے نظریات کی عملی شکل ہے، اور اس ماڈل نے ریاستی ترقی کے میدان میں قومی سطح پر نئی مثال قائم کی ہے۔
About the Author
