حیدرآباد: انڈین کونسل آف میڈیکل ریسرچ (ICMR) کی جانب سے سنگل ڈوز ٹیٹراویلنٹ Dengue Vaccineکے کلینیکل ٹرائلز کا آغاز کیا گیا ہے، جس کے لیے تلنگانہ کے AIIMS بی بی نگر کو بھی آزمائشی مراکز میں شامل کیا گیا ہے۔
ICMR نے منگل کو اعلان کیا کہ یہ تجربہ لائیو اٹینیوئیٹڈ ریکامبیننٹ لائیوفیلائزڈ ویکسین ‘DengAal’ پر کیا جا رہا ہے، جو JSS میڈیکل کالج میسور اور بنگلور میڈیکل کالج کے اشتراک سے انجام دیا جا رہا ہے۔
اس کلینیکل ٹرائل میں 10,000 سے زائد صحت مند رضاکار شامل ہوئے ہیں، جن میں سے 70 فیصد افراد کو ابتدائی مرحلے میں ویکسین دی جا چکی ہے، جبکہ بقیہ 30 فیصد کو مرحلہ وار ڈوز دیا جائے گا۔
AIIMS بی بی نگر ڈینگی ویکسین کی قومی پہل میں شامل
بی بی نگر میں ہونے والا یہ ٹرائل ملک گیر سطح پر ڈینگی کے خلاف سنگل ڈوز ویکسینیشن ماڈل کا حصہ ہے، جس کا مقصد بڑے پیمانے پر عوامی تحفظ کو ممکن بنانا ہے۔
طبی ماہرین کو امید ہے کہ یہ ویکسین ڈینگی پر قابو پانے میں اہم کردار ادا کرے گی، خاص طور پر ایسے وقت میں جب بارشوں کے بعد اس وائرس کے پھیلاؤ کا خطرہ بڑھ جاتا ہے۔
About the Author
