حیدرآباد: ناگول کے ایک اسٹیڈیم میں اتوار کی شب بیڈمنٹن کھیلتے ہوئے 25 سالہ نوجوان کی موت مبینہ طور پر Heart Attack کے سبب واقع ہو گئی۔
متوفی کی شناخت راکیش کے طور پر ہوئی ہے، جو ضلع کھمم کے تھلّاڈا کے سابق ڈپٹی سرپنچ گنڈلا وینکٹیشورلو کا بیٹا تھا۔ راکیش ناگول میں مقیم تھا اور شہر کی ایک پرائیویٹ کمپنی میں ملازمت کرتا تھا۔
یہ واقعہ رات تقریباً 8 بجے پیش آیا جب وہ اپنے دوستوں کے ساتھ بیڈمنٹن کھیل رہا تھا۔ عینی شاہدین کے مطابق، کھیل کے دوران راکیش اچانک کورٹ پر گر پڑا۔ موقع پر موجود افراد نے فوری طور پر سی پی آر دینے کی کوشش کی، مگر کوئی فائدہ نہ ہوا۔
بعد ازاں اسے فوراً قریبی اسپتال منتقل کیا گیا، جہاں ڈاکٹروں نے اُسے مردہ قرار دیا۔
About the Author
