حیدرآباد: تلنگانہ کے وزیر اعلیٰ ریونت ریڈی اور نائب وزیر اعلیٰ مالو بھٹی وکرامارکا نے دہلی کے دو روزہ دورے کے دوران اپوزیشن قائدین راہول گاندھی اور ملیکارجن کھڑگے سے ملاقات CM meets Rahulکی۔ اس ملاقات کا مقصد ذات پات پر مبنی مردم شماری اور پسماندہ طبقات (بی سی) کو دی جانے والی ریزرویشن میں اضافے کے لیے قومی سطح پر حمایت حاصل کرنا تھا۔
یہ ملاقات صبح 10 بجے ملیکارجن کھڑگے کی رہائش گاہ پر ہوئی، جہاں وزیر اعلیٰ ریونت ریڈی نے تلنگانہ میں حالیہ مکمل کی گئی ذات پات مردم شماری کی تفصیلات پیش کیں، جو سائنٹفک طریقہ کار پر مبنی ہے۔
ریونت ریڈی نے کانگریس قیادت کو بتایا کہ ریاستی اسمبلی اور کونسل سے بی سی طبقات کو تعلیم، روزگار، سرکاری خدمات اور بلدیاتی اداروں میں 42 فیصد ریزرویشن دینے سے متعلق بل منظور ہوچکا ہے اور اب اسے مرکز کو ارسال کیا گیا ہے۔
اس دوران تلنگانہ کی موجودہ سیاسی صورتحال اور سماجی ڈھانچے پر بھی تبادلہ خیال ہوا۔ وزیر اعلیٰ نے راہول گاندھی اور کھڑگے سے درخواست کی کہ پارلیمنٹ کے جاری اجلاس میں ملک گیر سطح پر ذات پات مردم شماری اور ریزرویشن اصلاحات کا مطالبہ اٹھایا جائے۔
ملاقات میں کانگریس کی تلنگانہ انچارج میناکشی نٹراجن، ٹی پی سی سی صدر مہیش کمار گوڑ، وزراء اتم کمار ریڈی، پونم پربھاکر، کونڈا سریکھا، سری ہری، رکن پارلیمنٹ ملو روی اور دیگر سینئر قائدین بھی موجود تھے۔
About the Author
