حیدرآباد: سابق وزیر اور بی آر ایس کے سینئر رہنما ٹی ہریش راؤ نے تلنگانہ کے سرکاری گروکل اداروں میں پے در پے Food Poisoningکے واقعات پر کانگریس حکومت کو سخت تنقید کا نشانہ بنایا ہے اور فوری اصلاحی اقدامات کا مطالبہ کیا ہے۔
ہریش راؤ نے کہا کہ گزشتہ 48 گھنٹوں کے دوران ریاست کے مختلف اضلاع میں چار الگ الگ گروکل اداروں میں فوڈ پوائزننگ کے واقعات پیش آئے، جن میں ناگل گِڈہ ماڈل اسکول (ضلع سنگاریڈی)، پدا کوتہ پلی گروکل (ضلع ناگر کرنول)، لکشمی پور گاؤں کا گروکل (ضلع جگتیال) اور بھدراچلم گروکل کالج (ضلع بھدرادری کوتہ گوڑم) شامل ہیں۔
انہوں نے الزام لگایا کہ کانگریس حکومت کی لاپرواہی کے سبب گروکل نظام برباد ہو رہا ہے اور وزیراعلیٰ ریونت ریڈی جان بوجھ کر سابق وزیراعلیٰ کے چندر شیکھر راؤ کی تعلیمی وراثت کو ختم کرنے کی کوشش کر رہے ہیں۔ ہریش راؤ نے سوال اٹھایا کہ جب درجنوں طلبہ اسپتال میں داخل ہیں تو کیا وزیراعلیٰ کا دل نہیں پگھلتا؟
انہوں نے دعویٰ کیا کہ کانگریس کے اقتدار میں آنے کے بعد سے اب تک 100 سے زائد گروکل طلبہ سانپ کے کاٹنے، خودکشی یا خوراک سے متعلق مسائل کے سبب ہلاک ہو چکے ہیں۔ ہریش راؤ نے حکومت سے مطالبہ کیا کہ وہ ان واقعات پر وضاحت دے اور سرکاری رہائشی اسکولوں میں درپیش سنگین مسائل کا فوری ازالہ کرے۔
సంగారెడ్డి జిల్లా, నారాయణ్ ఖేడ్, నాగల్ గిద్ద మోడల్ పాఠశాలలో ఫుడ్ పాయిజన్
నాగర్ కర్నూల్ జిల్లా, పెద్ద కొత్తపల్లి గురుకుల పాఠశాలలో ఫుడ్ పాయిజన్ జగిత్యాల రూరల్ మండలం, లక్ష్మిపూర్ గ్రామం గురుకుల పాఠశాలలో ఫుడ్ పాయిజన్ భద్రాద్రి కొత్తగూడెం జిల్లా, భద్రాచలం గురుకుల కళాశాలలో ఫుడ్ పాయిజన్… pic.twitter.com/mCbKhpWHnB— Harish Rao Thanneeru (@BRSHarish) July 21, 2025
About the Author
