حیدرآباد: نیشنل پلیٹ فارم فار دی رائٹس آف دی ڈس ایبلڈ (این پی آر ڈی) کی تلنگانہ یونٹ نے اعلان کیا ہے کہ وہ 23 جولائی کو سوسائٹی فار ایلیمینیشن آف رورل پاورٹی (SERP) کے دفتر کے سامنے احتجاج کرے گی، تاکہ معذور افراد کے لیے 6000 روپئے Pension Promiseپر فوری عمل آوری کا مطالبہ کیا جا سکے۔
اتوار کو میڈیا سے خطاب کرتے ہوئے این پی آر ڈی ریاستی صدر کے وینکٹ اور جنرل سیکریٹری ایم اڈی وایاہ نے کہا کہ چیف منسٹر اے ریونت ریڈی نے 2023 کے اسمبلی انتخابات میں معذور افراد کو ماہانہ 6000 روپئے پنشن دینے کا وعدہ کیا تھا، جس پر تاحال کوئی پیش رفت نہیں ہوئی۔
انہوں نے کہا کہ کانگریس حکومت کو اقتدار سنبھالے 19 ماہ ہو چکے ہیں، لیکن پنشن میں اضافے یا نئی درخواستوں کی منظوری کے لیے کوئی قدم نہیں اٹھایا گیا، جو کہ ریاست کے 42 لاکھ سے زائد معذور افراد اور فلاحی اسکیموں کے استفادہ کنندگان کے ساتھ دھوکہ ہے۔
این پی آر ڈی قائدین نے بتایا کہ جنوری سے اب تک 24.85 لاکھ نئی پنشن درخواستیں جمع کرائی گئی ہیں، لیکن ایک بھی درخواست منظور نہیں کی گئی۔
انہوں نے الزام لگایا کہ حکومت کی جانب سے معذور برادری کے احتجاج اور یادداشتوں کو مسلسل نظرانداز کیا جا رہا ہے۔
تنظیم نے تمام معذور افراد اور اچَیوتا اسکیم کے استفادہ کنندگان سے اپیل کی کہ وہ 23 جولائی کو بڑے پیمانے پر احتجاج میں شامل ہوں اور پنشن میں اضافہ و زیر التوا درخواستوں کی منظوری کے لیے آواز بلند کریں۔
About the Author
