حیدرآباد: بی آر ایس ایم ایل سی کے کویتا نے بدھ کے روز مرکزی حکومت کے مجوزہ [en]Labour Codes[/en] کے خلاف ملک گیر مزدور ہڑتال کی بھرپور حمایت کا اعلان کیا۔ انہوں نے ان نئے لیبر کوڈز کو محنت کشوں کے آٹھ گھنٹے کے کام کے حق پر حملہ قرار دیا۔
سوشل میڈیا پلیٹ فارم ایکس (سابقہ ٹوئٹر) پر جاری کردہ بیان میں کویتا نے مرکز کی جانب سے کی جانے والی لیبر اصلاحات کو غیر جمہوری اور محنت کشوں کے خلاف قرار دیتے ہوئے فوری طور پر ان قوانین کو واپس لینے کا مطالبہ کیا۔ انہوں نے کہا کہ ہمیں آٹھ گھنٹے کی ورک ڈے جیسی تاریخی جیت کو ختم کرنے کی کسی بھی کوشش کے خلاف مزاحمت کرنی چاہیے۔
واضح رہے کہ مرکزی حکومت کی جانب سے متعارف کردہ چار نئے لیبر کوڈز کو مختلف مزدور تنظیموں کی جانب سے شدید تنقید کا نشانہ بنایا جا رہا ہے۔ مزدور رہنماؤں کا کہنا ہے کہ یہ قوانین نہ صرف کام کے اوقات میں اضافہ کرتے ہیں بلکہ ملازمت کی سیکیورٹی اور محنت کشوں کے بنیادی حقوق کو بھی نقصان پہنچاتے ہیں۔
کے کویتا نے کہا کہ یہ قوانین منظم اور غیر منظم دونوں شعبوں میں کام کرنے والے محنت کشوں کے تحفظات کو پامال کرتے ہیں۔ انہوں نے کہا کہ بی آر ایس پارٹی مزدور طبقے کے شانہ بشانہ کھڑی ہے اور ایسے قوانین کو ہر فورم پر چیلنج کیا جائے گا۔
ملک بھر میں منعقدہ ہڑتال میں کئی مزدور یونینوں نے حصہ لیا اور مطالبہ کیا کہ نئے لیبر کوڈز کو واپس لے کر پرانے تحفظات کو بحال کیا جائے۔
కార్మికులు పోరాడి సాధించుకున్న 8 గంటల పని విధానం రద్దు చేయాలనే కుట్రలను తిప్పికొడుదాం.
కేంద్ర ప్రభుత్వం అప్రజాస్వామికంగా తెచ్చిన కొత్త లేబర్ కోడ్ లను రద్దు చేయాలని కోరుతూ కార్మిక సంఘాలు ఈ రోజు (బుధవారం) పిలుపునిచ్చిన దేశవ్యాప్త సార్వత్రిక కార్మిక సమ్మెకు సంపూర్ణ మద్దతు…
— Kavitha Kalvakuntla (@RaoKavitha) July 9, 2025
