حیدرآباد: حکومت [en]Telangana[/en] نے ریاست میں تجارتی اداروں میں کام کرنے والے ملازمین کے لیے اوقاتِ کار سے متعلق نئے احکامات جاری کیے ہیں، جن کے تحت روزانہ کام کے اوقات میں اضافہ تو کیا گیا ہے لیکن ہفتہ وار حد 48 گھنٹے سے زیادہ نہیں ہو سکتی۔
حکام کے مطابق اگر کسی ملازم سے یہ حد پار کروا لی جاتی ہے تو آجر کو لازمی طور پر قانونی طور پر مقرر کردہ اوور ٹائم ادا کرنا ہوگا۔
نئے قواعد کے مطابق ہر چھ گھنٹے کی شفٹ پر کم از کم آدھے گھنٹے کا وقفہ دینا لازمی ہوگا، اور یومیہ کام کے کل اوقات، بشمول آرام کے وقفے، 12 گھنٹے سے زیادہ نہیں ہو سکتے۔
سرکاری ذرائع نے بتایا کہ یہ تبدیلیاں ریاست میں کاروباری ماحول کو بہتر بنانے کے لیے ’ایز آف ڈوئنگ بزنس‘ فریم ورک کے تحت کی گئی ہیں، تاکہ آجر و ملازمین کے درمیان توازن اور شفافیت کو فروغ دیا جا سکے۔
