حیدرآباد: [en]SBI Donates[/en] کے تحت اسٹیٹ بینک آف انڈیا نے اپنے کارپوریٹ سوشیل رسپانسبلٹی (CSR) پروگرام کے تحت گریٹر حیدرآباد میونسپل کارپوریشن (جی ایچ ایم سی) کو 10 مہندرا جیتو الیکٹرک گاڑیاں بطور عطیہ پیش کی ہیں، جن کی مجموعی مالیت تقریباً 1 کروڑ روپئے ہے۔
یہ گاڑیاں منگل کے روز کوٹھی میں واقع ایس بی آئی کے مقامی صدر دفتر پر منعقدہ تقریب میں ایس بی آئی حیدرآباد سرکل کے چیف جنرل منیجر ایس رادھا کرشنن نے جی ایچ ایم سی کمشنر آر وی کرنن کے حوالے کیں۔
کمشنر کرنن نے ایس بی آئی کا شکریہ ادا کرتے ہوئے کہا کہ یہ گاڑیاں شہری خدمات کو بہتر بنانے میں مددگار ثابت ہوں گی۔ انہوں نے دیگر اداروں سے بھی اپیل کی کہ وہ جی ایچ ایم سی کی مدد کے لیے آگے آئیں۔
اس موقع پر ایس بی آئی کے ڈپٹی جنرل منیجرز، جی ایچ ایم سی کے ایڈیشنل کمشنر رگھو پرساد، بینک افسران، اور ویٹرنری ڈپٹی ڈائریکٹر ڈاکٹر جے ڈی ولسن موجود تھے۔
یہ اقدام نہ صرف شہری سہولیات کو بہتر بنانے کی جانب ایک مثبت قدم ہے بلکہ کارپوریٹ اداروں کی سماجی ذمے داری کے حوالے سے ایک قابلِ تقلید مثال بھی ہے۔
