حیدرآباد: حیدرآباد سٹی پولیس نے 1783 متروکہ یا بغیر دعوے کے چھوڑ دی گئی مختلف اقسام کی گاڑیوں[en]Abandoned Vehicles [/en] کی نیلامی کا اعلان کیا ہے۔ یہ اقدام حیدرآباد میٹرو پولیٹن ایریا پولیس ایکٹ 2004 کی دفعہ 7 اور حیدرآباد سٹی پولیس ایکٹ کی دفعہ 40 کے تحت کیا جا رہا ہے۔
پولیس حکام نے اعلان کیا ہے کہ اگر کسی شخص کو ان گاڑیوں پر ملکیت یا ہائپوتھیکیشن کا کوئی دعویٰ یا اعتراض ہو تو وہ کمشنر آف پولیس، آئی سی سی سی، بنجارہ ہلز، حیدرآباد سے رجوع ہو کر اس اعلامیہ کی تاریخ سے چھ ماہ کے اندر درخواست داخل کرے۔
اگر اس مدت کے دوران کوئی قابل قبول دعویٰ موصول نہ ہوا تو ان گاڑیوں کو عوامی نیلامی کے ذریعے فروخت کر دیا جائے گا۔
ان گاڑیوں کی تفصیلات پولیس نیلامی ٹیم سے حاصل کی جا سکتی ہیں، جو ایس اے آر سی پی ایل پولیس گراؤنڈ، پولیس اسپتال کے پیچھے، عنبر پیٹ، حیدرآباد میں واقع ہے، یا پھر حیدرآباد سٹی پولیس کی ویب سائٹ [www.hyderabadpolice.gov.in](http://www.hyderabadpolice.gov.in) پر بھی دستیاب ہیں۔
یہ نیلامی ان تمام متوکہ گاڑیوں پر لاگو ہوگی جنہیں طویل عرصے سے کسی نے حاصل نہیں کیا۔
