حیدرآباد: تلنگانہ حکومت نے شہر حیدرآباد اور سکندرآباد میں بونالُو تقاریب اور متعلقہ پروگراموں کے انعقاد کے لیے 20 crore for Bonalu کے تحت 20 کروڑ روپئے جاری کیے ہیں۔ یہ رقم جڑواں شہروں کے 2,783 مندروں کو چیکس کی شکل میں تقسیم کی گئی ہے۔
سرکاری ذرائع کے مطابق بونالُو تقاریب کا آغاز 29 جون کو گولکنڈہ بونالُو سے ہوگا۔ شہر میں اہم بونالُو تقاریب یکم اور 2 جولائی کو منعقد ہوں گی۔
بلکم پیٹ میں بونالُو کا انعقاد 13 اور 14 جولائی کو ہوگا، جب کہ پرانے شہر کی مشہور لال دروازہ بونالُو 20 جولائی کو منائی جائے گی۔ 23 جولائی کو چارمینار کے قریب بھاگیہ لکشمی مندر میں جلوس کے ساتھ تقاریب کا اختتام ہوگا۔
حکومت نے مندروں کو فنڈز کی بروقت فراہمی کو یقینی بناتے ہوئے انتظامیہ کو ہدایت دی ہے کہ وہ تمام تیاریوں کو مکمل کریں تاکہ بونالُو تقاریب روایتی جوش و خروش کے ساتھ پُرامن انداز میں منائی جا سکیں۔
