حیدرآباد – تلنگانہ میں گرام پنچایت انتخابات کے لیے تیاریاں تیزی سے جاری ہیں۔ سرپنچ اور وارڈ ممبرس کے تحفظات کی فہرستیں حتمی مرحلے میں داخل ہوچکی ہیں۔
حکومت کی ہدایت پر پنچایت راج محکمہ اور ضلعی انتظامیہ نے ہر ضلع کی گرام پنچایتوں میں وارڈس کے تحفظات کو قطعیت دے دی ہے۔ یہ عمل مقامی سطح پر ایم پی ڈی اوز کی نگرانی میں مکمل کیا گیا ہے۔ فہرستیں ضلع کلکٹرس کو روانہ کی جا رہی ہیں۔
تحفظات کا تناسب اور عدالتی رہنما اصول | Gram Panchayat Elections
ذرائع کے مطابق، آبادی کے تناسب سے ایس سی، ایس ٹی، اور بی سی طبقات کو تحفظات دیے جا رہے ہیں۔ لیکن عدالت عظمیٰ اور ہائی کورٹ کی ہدایت کے مطابق، مجموعی طور پر صرف 50 فیصد تک ہی تحفظات دیے جا سکتے ہیں۔
اس میں پسماندہ طبقات کے لیے 22 فیصد مختص کیے گئے ہیں، جب کہ باقی حصہ دیگر محفوظ طبقات کے لیے ہے۔ یہ قدم قانونی رہنمائی کے تحت اٹھایا جا رہا ہے تاکہ انتخابی عمل آئینی دائرے میں رہے۔
اعلامیہ جلد، انتخابات دسمبر میں | Gram Panchayat Elections
انتخابی شیڈول کے حوالے سے اطلاعات ہیں کہ سرکاری اعلامیہ ایک یا دو دن میں جاری ہونے کا امکان ہے۔ انتخابات دسمبر کے دوسرے یا تیسرے ہفتے میں منعقد کیے جا سکتے ہیں۔
حکومت اور انتخابی حکام کی جانب سے تیاریوں کو حتمی شکل دی جا رہی ہے تاکہ دیہی سطح پر عوامی نمائندگی کا عمل بروقت مکمل ہو سکے۔
About the Author
