حیدرآباد: مولانا آزاد نیشنل اردو یونیورسٹی (مانو) نے یومِ آزاد کے موقع پر منعقدہ سالانہ لیکچر کے دوران دو سینئر صحافیوں کو ’’ستارۂ صحافت ایوارڈ 2025‘‘ Sitara Sahafat Award سے نوازا۔
یہ اعزاز روزنامہ ہندی مالپ کے بیورو چیف ایف۔ایم۔ سلیم اور روزنامہ منصف کے ایگزیکٹیو ایڈیٹر اطہر معین کو دیا گیا۔ دونوں صحافیوں کو اردو صحافت کی خدمات اور زبان و ثقافت کے فروغ کے لیے ان کی کاوشوں پر سراہا گیا۔
ڈاکٹر محمد مصطفیٰ علی سروری، پبلک ریلیشنز آفیسر، نے بتایا کہ اس اعزاز کا سلسلہ گزشتہ سال شروع کیا گیا تھا۔ اس پروگرام کے تحت ان صحافیوں کو اعزاز دیا جاتا ہے جو اپنی پیشہ ورانہ خدمات کے ذریعے اردو زبان، ادب اور تعلیم کو فروغ دیتے ہیں۔ انہوں نے کہا کہ یہ اقدام مانو کے اردو ذریعۂ تعلیم اور عوامی بیداری کے عزم کی عکاسی کرتا ہے۔
Sitara Sahafat Award | مانو کا اعزاز دینے کا سلسلہ جاری رہے گا
ڈاکٹر سروری نے یقین دلایا کہ مانو آئندہ بھی اس روایت کو جاری رکھے گا۔ انہوں نے امید ظاہر کی کہ مختلف ذرائع ابلاغ سے وابستہ صحافی اسی طرح یونیورسٹی کے تعلیمی مشن کی تائید کرتے رہیں گے۔
