حیدرآباد : تلنگانہ اسٹیٹ مائناریٹیز کمیشن کے سابق چیئرمین اور محکمہ قبائلی بہبود کے ریٹائرڈ انجینئر ان چیف محمد قمرالدین Mohammed Qamaruddin کا بدھ، 29 اکتوبر کو انتقال ہوگیا۔ ان کی عمر 74 سال تھی۔
تدفین اور تعزیتیں | Mohammed Qamaruddin
وہ معروف سماجی رہنما اور مرحوم محمد معین الدین کے صاحبزادے تھے۔ نمازِ جنازہ رات 11 بجے فارہ کالونی، سعیدآباد کی قبا مسجد میں ادا کی گئی۔
مرحوم کی تدفین درگاہ حضرت اجالے شاہؒ قبرستان سعیدآباد میں عمل میں آئی۔ پسماندگان میں اہلیہ، چھ بیٹے اور ایک بیٹی شامل ہیں۔
مرحوم کی فلاحی خدمات کا اعتراف | Mohammed Qamaruddin
سیاسی، مذہبی اور سماجی شخصیات نے مرحوم کے گھر پہنچ کر اہلِ خانہ سے تعزیت کی اور ان کی عوامی خدمات کو خراجِ تحسین پیش کیا۔
رہنماؤں نے کہا کہ محمد قمرالدین نے اپنی زندگی کا بیشتر حصہ عوامی فلاح، اقلیتی بہبود اور سماجی ترقی کے لیے وقف کیا تھا۔
About the Author
