حیدرآباد: حیدرآباد کے پوچارم علاقے میں بدھ کی شام فائرنگ کا واقعہ پیش آیا جب ابراہیم نامی شخص نے مویشیوں کی غیر قانونی نقل و حمل روکنے والے کارکن سونو عرف پرشانت پر فائرنگ کی اور موقع سے فرار ہو گیا۔ اس واقعے کے بعد علاقے میں خوف و ہراس پھیل گیا۔
پولیس کے مطابق، سونو کو سینے میں گولی لگی جس کے بعد اسے فوری طور پر سکندرآباد کے یشودا اسپتال منتقل کیا گیا۔ واقعے کے بعد پولیس نے علاقے میں سرچ آپریشن شروع کیا اور ملزم کی گرفتاری کے لیے ٹیمیں تشکیل دی ہیں۔
بی جے پی رہنماؤں کا دورہ، حکومت سے کارروائی کا مطالبہ | Pochram Shooting Incident
اطلاع ملنے پر بی جے پی کے ریاستی صدر رامچندر راؤ اور رکن پارلیمنٹ ایٹیلہ راجندر زخمی سونو کی عیادت کے لیے یشودا اسپتال پہنچے۔ انہوں نے اس کی حالت اور علاج کے بارے میں ڈاکٹروں سے معلومات حاصل کیں۔
رامچندر راؤ نے صحافیوں سے گفتگو کرتے ہوئے کہا کہ یہ واقعہ تشویشناک ہے۔ ان کا کہنا تھا کہ “جب سونو نے حیدرآباد کے پوچارم میں گایوں کی غیر قانونی نقل و حمل روکنے کی کوشش کی تو ابراہیم نے فائرنگ کر دی۔”
انہوں نے الزام لگایا کہ ایسے فرقہ وارانہ حملے ریاست کے امن و امان کی ناکامی ظاہر کرتے ہیں۔ بی جے پی رہنماؤں نے حکومت سے مطالبہ کیا کہ ملزمان کو فوری گرفتار کر کے سخت سزا دی جائے۔ رامچندر راؤ نے کہا کہ “اگر کانگریس حکومت ہندو شہریوں کی سلامتی یقینی نہیں بنا سکتی تو اسے اقتدار میں رہنے کا اخلاقی حق نہیں۔”
About the Author
