حیدرآباد : حیدرآباد پولیس نے دیوالی کے موقع پر شہریوں کو تہنیتی پیغام Diwali Message دیا ہے۔ پولیس کمشنر وی سی سجنار نے اپنے دیوالی پیغام 2025 میں عوام کو خوشی، امن اور روشنی سے بھرپور تہوار کی مبارکباد دی۔
انہوں نے کہا کہ شہری دیوالی کو ذمہ داری کے ساتھ منائیں، خطرناک عادات سے گریز کریں، اور پٹاخے پھوڑتے وقت بچوں کی حفاظت کو یقینی بنائیں۔ کمشنر نے تاکید کی کہ حفاظتی اصولوں پر عمل کر کے اس تہوار کو خوشگوار اور حادثات سے پاک بنایا جا سکتا ہے۔
شعور اور روشنی کا پیغام | Diwali Message
حیدرآباد سٹی پولیس کے تلگو پیغام میں عوام کو تلقین کی گئی کہ وہ اپنی زندگیوں کو علم کی روشنی سے منور کریں اور منفی عادات سے دور رہیں۔ پیغام میں کہا گیا کہ دیوالی کی مقدس روشنی معاشرے میں خوشی، ہم آہنگی اور اتحاد کو فروغ دے۔
کمشنر سجنار نے کہا، “روشنیوں کا تہوار احتیاط سے منائیں۔ یہ دیوالی ہر گھر میں امن، خوشحالی اور مسرت کی کرنیں بکھیر دے۔”
About the Author
