حیدرآباد: تلنگانہ کے وزیر اعلیٰ اے ریونت ریڈی نے سینئر کانگریس رہنما اور سابق چیولہ ایم ایل اے کونڈا لکشما ریڈی کے دیہانت پر گہرے دکھ کا اظہار کیا۔
کونڈا لکشما ریڈی پیر کی صبح حیدرآباد میں 84 برس کی عمر میں دیہانت کر گئے۔
کونڈا لکشما ریڈی کی خدمات کو خراجِ تحسین | Revanth Reddy Condolence
وزیر اعلیٰ ریونت ریڈی نے مرحوم کے طویل عوامی خدمات کے سفر کو خراجِ عقیدت پیش کیا۔
انہوں نے کہا کہ کونڈا لکشما ریڈی نے دیانت داری اور عزم کے ساتھ عوامی فلاح کے لیے کام کیا۔ ان کا سیاسی سفر کانگریس کے ساتھ وفاداری اور خدمت کے جذبے کی مثال ہے۔
ریونت ریڈی نے یاد دلایا کہ کونڈا لکشما ریڈی صحافت سے متاثر ہو کر 1980 میں “نیوز سروس آف دی ساؤتھ (NSS)” کے بانی بنے۔
وہ پریس کلب آف حیدرآباد اور جوبلی ہلز جرنلسٹس کوآپریٹو ہاؤسنگ سوسائٹی کے صدر بھی رہ چکے ہیں۔
آخری رسومات مہاپرستھانم میں ادا کی جائے گی | Revanth Reddy Condolence
وزیر اعلیٰ نے مرحوم کی ’آتما کی شانتی‘کے لیے دعا کی اور ان کے اہلِ خانہ اور حامیوں سے تعزیت کا اظہار کیا۔
اہلِ خانہ کے مطابق، کونڈا لکشما ریڈی بڑھاپے سے متعلق بیماری کے باعث اپولو اسپتال میں زیر علاج تھے اور پیر کی صبح تقریباً 5:30 بجے دیہانت کر گئے۔
ان کی آخری رسومات آج دوپہر 3 بجے مہاپرستھانم، حیدرآباد میں ادا کی جائیں گی۔
About the Author
