حیدرآباد: حیدرآباد پولیس نے شہر کی حدود میں دیوالی کے موقع پر پٹاخے فروخت کے لیے نئے ضوابط کا اعلان کیا ہے۔ پولیس کے مطابق، پٹاخے بیچنے والے تمام تاجروں کے لیے لازمی ہے کہ وہ Explosives Act 1983 کے تحت عارضی لائسنس حاصل کریں۔ بغیر اجازت فروخت کرنے والوں کے خلاف سخت قانونی کارروائی کی جائے گی۔
لائسنس کے لیے درخواستیں 9 سے 15 اکتوبر تک | Diwali Firecracker Guidelines
پولیس نوٹیفکیشن کے مطابق، درخواست دہندگان 9 اکتوبر سے 15 اکتوبر تک فارم AE-5 کے ذریعے اپنی درخواستیں دستی طور پر جمع کرا سکتے ہیں۔ صرف مکمل دستاویزات کے ساتھ جمع کرائی گئی درخواستیں قبول کی جائیں گی۔ جن درخواستوں میں ضروری کاغذات شامل نہیں ہوں گے، وہ فوری طور پر ناقابلِ قبول قرار پائیں گی۔
لائسنس کے لیے درکار دستاویزات | Diwali Firecracker Guidelines
درخواست دہندگان کو فائر آفیسر کی طرف سے جاری کردہ این او سی (NOC) لازمی طور پر منسلک کرنی ہوگی۔
جو تاجر سرکاری زمین پر اسٹال لگانا چاہتے ہیں، انہیں جی ایچ ایم سی (GHMC) کی اجازت درکار ہوگی، جبکہ نجی یا پٹہ زمین پر اسٹال لگانے والوں کے لیے زمین مالک کا تحریری رضامندی نامہ ضروری ہے۔
اس کے علاوہ، گزشتہ سال کے لائسنس کی کاپی (اگر دستیاب ہو)، اسٹال کے مقام کا نقشہ یا سائٹ پلان، اور ₹600 کا ڈیمانڈ ڈرافٹ (اسٹیٹ بینک آف انڈیا، ٹریژری برانچ، گن فاؤنڈری، حیدرآباد) منسلک کرنا لازم ہے۔
غیر قانونی فروخت پر سخت کارروائی | Diwali Firecracker Guidelines
پولیس نے خبردار کیا ہے کہ بغیر لائسنس کے پٹاخے فروخت کرنے والوں کے خلاف فوری کارروائی کی جائے گی۔ حکام نے تاجروں کو ہدایت دی ہے کہ وہ پٹاخے کے ذخیرے اور فروخت کے دوران تمام حفاظتی اقدامات پر عمل کریں۔
عوام سے بھی اپیل کی گئی ہے کہ وہ دیوالی کے تہوار کو ذمہ داری کے ساتھ منائیں اور محفوظ ماحول کو یقینی بنائیں تاکہ کسی قسم کے حادثے سے بچا جا سکے۔
پولیس کے مطابق یہ اقدامات عوامی سلامتی کو یقینی بنانے کے لیے کیے گئے ہیں تاکہ دیوالی کے دوران کسی بھی قسم کی آگ یا دھماکے کے خطرے سے بچاؤ ہو سکے۔
దీపావళి పండుగ నేపథ్యంలో బాణాసంచా దుకాణాలకు పోలీస్ అనుమతి తప్పనిసరి. @hydcitypolice @CPHydCity pic.twitter.com/hXsONptr5W
— V.C. Sajjanar, IPS (@SajjanarVC) October 10, 2025
About the Author
