حیدرآباد ۔ تلنگانہ کے ضلع جگتیال کے ابراہیم پٹنم منڈل میں شادی کے صرف چھ دن بعد ایک نئی نویلی دلہن نے خودکشی کرلی۔ پولیس کے مطابق جھگڑے کے بعد 22 سالہ الیپو گنگوتری نے اپنی جان لے لی، جسے Suspicious Death کا معاملہ قرار دیا جارہا ہے ۔
پولیس نے بتایا کہ گنگوتری، جو ایردانڈی گاؤں کی رہنے والی تھی، نے 26 ستمبر کو اپنے ہی گاؤں کے سنتوش سے شادی کی تھی۔ دونوں کے درمیان طویل دوستی کے بعد خاندانوں کی رضامندی سے شادی انجام پائی تھی۔
جھگڑے کے بعد افسوسناک واقعہ
2 اکتوبر کو دسہرہ تہوار کے موقع پر گنگوتری اپنے شوہر کے ساتھ میکے گئی تھی۔ پولیس کے مطابق رات کے کھانے کے دوران معمولی بات پر ان دونوں کے درمیان جھگڑا ہوا۔ بعد میں وہ اپنے سسرال واپس آگئے۔ رات گئے جب سب سو گئے تو گنگوتری نے پھانسی لے کر خودکشی کرلی۔
اس کی والدہ شاردا نے الزام لگایا کہ شوہر سے جھگڑا اور سسرال میں ہراسانی اس واقعے کی وجہ بنی۔ پولیس نے شکایت کی بنیاد پر Suspicious Death کا مقدمہ درج کر کے تحقیقات شروع کر دی ہیں۔ اس افسوسناک واقعے نے گاؤں میں غم کی فضا پیدا کر دی۔
About the Author
