Hyderabad: Hamas ke senior leader Muhammad Nazzal ne kaha ke unki tanzeem jald American President Donald Trump ke Gaza Ceasefire Plan par apna radd-e-amal pesh karegi. Unka kehna tha ke Hamas iss mansube par poori sanjeedgi ke saath ghoro-fikr kar rahi hai, halanke kuch pehluon par tahaffuzat bhi mojood hain.
Al Jazeera TV ko interview dete hue, Nazzal ne bataya ke Hamas kisi bhi faislay mein waqt ke dabao aur dhamkiyon ko nazarandaz karke hi aage badhne ki koshish kar rahi hai.
Unhone ye bhi wazeh kiya ke tanzeem ne Gaza Ceasefire Plan ke hawale se Palestinian groups, azaad shakhsiat aur beech-wali kirdar ada karne walay mutwasiton ke sath mashwarat ka aghaz kar diya hai.
Muhammad Nazzal ke mutabiq, Hamas ka final jawab Gaza mein Israeli zulm ke khatme aur Palestinian awaam ke baisudi maqasid aur mustaqil usoolon ko madde nazar rakh kar tayyar kiya jayega.
