حیدرآباد ۔ راجندرنگر کے زرعی یونیورسٹی کے قریب سروس روڈ پر ایک نوجوان کی لاش خون میں لت پت پائی گئی۔ نوجوان کے گلے پر تیز دھار ہتھیار کے گہرے زخم پائے گئے جس سے ظاہر ہوتا ہے کہ اس کا گلا کاٹ کر بہیمانہ قتل Rajendranagar Youth Murder کیا گیا۔
صبح کے وقت چہل قدمی کرنے والوں نے لاش دیکھ کر پولیس کو اطلاع دی۔ اطلاع ملتے ہی پولیس ٹیمیں جائے وقوعہ پر پہنچ گئیں اور لاش کو اپنی تحویل میں لے لیا۔ ابتدائی تحقیقات میں شبہ ظاہر کیا گیا کہ قتل کسی اور مقام پر ہوا اور لاش یہاں پھینکی گئی۔ فورنسک ماہرین نے شواہد اکھٹے کیے جبکہ پولیس نے مقدمہ درج کر کے تحقیقات شروع کردی ہے۔
علاقے میں خوف و ہراس کی فضا
Rajendranagar Youth Murder کے اس واقعے نے مقامی آبادی میں مزید خوف پیدا کردیا ہے کیونکہ حالیہ دنوں میں راجندرنگر میں پے در پے جرائم رونما ہو رہے ہیں۔ گزشتہ ہفتے قسمت پور پل کے نیچے ایک خاتون کو زیادتی کے بعد قتل کر دیا گیا تھا۔ اسی دوران میلاردیوپلی میں ایک سپاری گینگ نے ایک شخص کو قتل کرنے کی کوشش کی۔ پولیس نے بتایا کہ سی سی ٹی وی فوٹیج کا باریک بینی سے جائزہ لیا جا رہا ہے تاکہ ملزمین تک پہنچا جا سکے۔
