حیدرآباد: تلنگانہ کے وزیر آبپاشی 19 ستمبر کو چھتیس گڑھ کے دورے پر جائیں گے تاکہ سمککا ساگر (توپاکول گڈم) پراجیکٹ کے لئے این او سی حاصل کر سکیں۔ اس موقع پر Uttam Kumar Reddy چھتیس گڑھ کے وزیر اعلیٰ وشنو دیو سائی سے ملاقات کریں گے اور منظوری کے لئے زور ڈالیں گے تاکہ مرکزی واٹر کمیشن کے اجلاس سے قبل تمام رکاوٹیں دور ہو سکیں۔
مرکزی واٹر کمیشن 23 ستمبر کو تلنگانہ کے آبپاشی منصوبے کا جائزہ لینے والا ہے۔ حکومت نے فیصلہ کیا ہے کہ اس اجلاس سے قبل این او سی ہر حال میں حاصل کر لیا جائے۔ اسی مقصد کے تحت ریاستی حکومت نے پہلے ہی رائے پور کو مکتوب روانہ کرتے ہوئے وقت مانگا تھا جس پر چھتیس گڑھ حکومت نے 19 ستمبر کے لئے ملاقات کی تصدیق کر دی۔
Uttam Kumar Reddy کے ساتھ پانچ سینئر عہدیدار بھی اس دورے میں شامل ہوں گے۔ تلنگانہ کی ٹیم چھتیس گڑھ حکومت کو متوقع سیلابی سطحوں کی تفصیلات پیش کرے گی اور ڈوبی ہوئی زمین کے لئے معاوضے کی یقین دہانی کرائے گی۔ وزیر آبپاشی نے واضح کیا کہ ان کا مقصد مسئلے کو فوری طور پر ختم کرنا اور پراجیکٹ کو کسی تاخیر کے بغیر آگے بڑھانا ہے۔
About the Author
