Hyderabad: Red Sea mein optic fiber cables cut hone se duniya bhar ka 17% internet traffic mutasir hua. Ye waqia 6 September ko hua jab SEACOM/TGN-EA, AAE-1 aur EIG jesi badi cables toot gayin.
Microsoft ne kaha ke uska Azure cloud platform khaas taur par mutasir hua hai. Users ko slow speed aur latency ka samna hai. Company ne kaha ke repairs mein haftay lag sakte hain.
Red Sea cable cuts ne business aur online services ko nuksan pohanchaya
Microsoft ke mutabiq Middle East se guzarnay wala traffic sab se zyada hit hua. Online classes, business aur streaming services ruk gayin.
Wajah abhi tak clear nahi hai. Guzishta waqiat mein ships ke anchors ya sabotage zimmedar the. Red Sea conflict aur Houthis par sawaal uthay gaye magar unhon ne isay rad kar diya.
Experts ne kaha agar ye sazish thi to digital infrastructure ko nishana banana mustaqbil ka bara khatra ho sakta hai.
