حیدرآباد: بھارت میں 7 ستمبر کو مکمل چاند گرہن Lunar Eclipse کا مشاہدہ کیا جائے گا جو 2022 کے بعد سب سے طویل نظر آنے والا گرہن ہوگا۔ ماہرین فلکیات کے مطابق یہ جولائی 2018 کے بعد پہلا مکمل گرہن ہے جو پورے ملک میں دیکھا جا سکے گا۔
نیشنل سینٹر فار ریڈیو ایسٹروفزکس پونے کی ایسوسی ایٹ پروفیسر دیویا اوبروئی نے بتایا کہ اس نوعیت کا اگلا گرہن 31 دسمبر 2028 کو پیش آئے گا۔ یہ فلکیاتی منظر 7 ستمبر کی رات سے شروع ہو کر 8 ستمبر کی ابتدائی صبح تک جاری رہے گا۔
مکمل چاند گرہن کے اوقات
پبلک آؤٹ ریچ اینڈ ایجوکیشن کمیٹی (پی او ای سی) نے اعلان کیا کہ یہ Lunar Eclipse اتوار کی رات 8:58 بجے شروع ہوگا۔ جزوی مرحلہ 9:57 بجے سے شروع ہوگا جبکہ مکمل مرحلہ 11:01 بجے سے 12:23 بجے تک جاری رہے گا، جو کل 82 منٹ پر محیط ہوگا۔ یہ منظر 8 ستمبر کی صبح 2:25 بجے ختم ہوگا۔
