حیدرآباد: تلنگانہ کابینہ نے ہفتہ کو پروفیسر کودنڈارام اور سابق ہندوستانی کرکٹر محمد اظہرالدین کو گورنر کوٹہ کے تحت MLC Nominationsکیا۔ ان کے نام منظوری کے لیے گورنر کو بھیجے گئے ہیں۔
یہ فیصلہ سپریم کورٹ کے حالیہ حکم کے بعد کیا گیا، جس کے تحت ریاستی حکومت کو نامزدگیوں کو دوبارہ پیش کرنے کی ہدایت دی گئی تھی۔ کانگریس حکومت نے کودنڈارام کو برقرار رکھا لیکن عامر علی خان کو ڈراپ کرکے اظہرالدین کو نامزد کیا۔
پس منظر: سپریم کورٹ کا حکم
اس سے قبل بی آر ایس لیڈران داسوجو شراون اور ستیاناراینا نے ان تقرریوں کو سپریم کورٹ میں چیلنج کیا تھا، جس کے بعد عدالت نے کودنڈارام اور عامر علی خان کی تقرریوں پر روک لگا دی تھی۔ اس وجہ سے حکومت کو دوبارہ نامزدگیاں کرنی پڑیں۔
اظہرالدین کی انٹری: سیاسی حلقوں میں دلچسپی
محمد اظہرالدین کی شمولیت نے سیاسی حلقوں میں دلچسپی پیدا کردی ہے۔ وہ جوبلی ہلز ضمنی انتخاب میں کانگریس امیدوار کے طور پر تیاری کر رہے تھے، تاہم ان کی ایم ایل سی نامزدگی کے بعد یہ سوال اٹھنے لگا ہے کہ اسمبلی بائی پول میں پارٹی کی نمائندگی کون کرے گا۔
