حیدرآباد: Telangana Universityنے ریاست بھر میں جاری شدید بارش کے باعث 28 اگست (جمعرات) کو منعقد ہونے والے پی جی، بی ایڈ اور ایم ایڈ کے امتحانات ملتوی کردیئے ہیں۔
کنٹرولر آف اگزامینیشن پروفیسر کے سمپت کمار نے بدھ کے روز ایک پریس ریلیز جاری کرتے ہوئے اس بات کی تصدیق کی کہ مذکورہ امتحانات ملتوی کر دیے گئے ہیں، تاہم دیگر تمام امتحانات حسبِ شیڈول ہی منعقد ہوں گے۔
نئی تاریخ کا اعلان جلد!
یونیورسٹی کے مطابق موسم کی خرابی اور بارش کے باعث طلبہ کو دشواریوں کے پیش نظر یہ فیصلہ کیا گیا۔ پروفیسر سمپت کمار نے مزید کہا کہ ملتوی شدہ امتحانات کی نئی تاریخ جلد ہی اعلان کی جائے گی۔
طلبہ کو مشورہ دیا گیا ہے کہ وہ باقاعدگی سے یونیورسٹی کے سرکاری اعلامیوں کے ذریعے تازہ ترین معلومات حاصل کرتے رہیں۔
