حیدرآباد: نلگنڈہ ضلع کے عوام کو اب جدید سرجری سہولتیں اپنے ہی علاقے میں دستیاب ہیں کیونکہ گورنمنٹ جنرل اسپتال میں Laparoscopy Unitکا آغاز کردیا گیا ہے۔ اس سہولت کا افتتاح پیر کے روز سڑک و عمارتوں کے وزیر کومٹی ریڈی وینکٹ ریڈی نے کیا۔ یہ یونٹ کومٹی ریڈی پراتیک فاؤنڈیشن کے تعاون سے قائم کیا گیا ہے۔
افتتاحی تقریب میں بڑی تعداد میں عوام شریک ہوئے۔ تقریب کے مہمانِ خصوصی پدم وبھوشن ایوارڈ یافتہ عالمی شہرت یافتہ گیسٹرو انٹرولوجسٹ ڈاکٹر ناگیشور ریڈی اور ڈاکٹر جی۔ وی۔ راؤ تھے۔
نلگنڈہ لیپروسکوپی یونٹ: ضلع اسپتال میں میٹرو سطح کی سہولت
وزیر وینکٹ ریڈی نے کہا کہ حکومت کا مقصد شہری سطح کی طبی سہولتیں دیہی علاقوں تک پہنچانا ہے۔ ان کے مطابق نیا یونٹ غریب اور متوسط طبقے کے خاندانوں کو قریبی مقام پر ہی جدید سرجری کی سہولت دے گا، جس سے انہیں بڑے شہروں کا سفر نہیں کرنا پڑے گا۔
ڈاکٹر ناگیشور ریڈی نے وضاحت کی کہ لیپروسکوپی سرجری میں چھوٹے زخم، کم تکلیف اور جلد صحتیابی ممکن ہے۔ انہوں نے اسے دیہی طبی خدمات میں ایک بڑا قدم قرار دیا۔
پراتیک فاؤنڈیشن کے ارکان نے بتایا کہ یونٹ کو جدید آلات اور ماہر عملے سے لیس کیا گیا ہے۔ ان کے مطابق ہر سال سیکڑوں مریض اس سہولت سے فائدہ اٹھا سکیں گے۔
اس موقع پر مقامی قائدین، اسپتال عملہ اور شہریوں کی بڑی تعداد موجود تھی جنہوں نے اسے ضلع میں صحت عامہ کی بہتری کی سمت ایک اہم قدم قرار دیا۔
About the Author
