حیدرآباد: مشہور پلے بیک گلوکار Rahul Sipligunjنے جمعرات کو جوبلی ہلز میں وزیراعلیٰ اے ریونت ریڈی کی رہائش گاہ پر ملاقات کر کے تلنگانہ حکومت کی جانب سے اعلان کردہ ایک کروڑ روپئے کے انعام پر شکریہ ادا کیا۔
وزیراعلیٰ نے راہول سپلی گنج کو شال اوڑھا کر ان کا اعزاز کیا۔ اس موقع پر رکن پارلیمنٹ انیل کمار یادو، ایم ایل اے کندورو جئے ویر ریڈی اور خیرت آباد ڈی سی سی صدر روہن ریڈی بھی موجود تھے۔
راہول سپلی گنج کا سفر حیدرآباد کے پرانے شہر سے شروع ہو کر عالمی شہرت تک پہنچا جب فلم آر آر آر کے گانے “ناٹو ناٹو” نے آسکر ایوارڈ جیتا۔ وزیراعلیٰ ریونت ریڈی نے انہیں تلنگانہ کے نوجوانوں کے لیے ایک رول ماڈل قرار دیا اور کہا کہ ان کی کامیابی محنت اور لگن کی عکاس ہے۔
سال 2023 میں ریونت ریڈی، جو اس وقت تلنگانہ پردیش کانگریس کمیٹی کے صدر تھے، نے وعدہ کیا تھا کہ اگر کانگریس برسراقتدار آئی تو راہول کو ایک کروڑ روپئے انعام دیا جائے گا۔ یہ وعدہ 20 جولائی کو پرانے شہر میں بونالو تہوار کے موقع پر پورا کیا گیا۔
اسی روز معروف شاعر اندیسری نے بھی وزیراعلیٰ سے ان کی رہائش گاہ پر ملاقات کی۔
ముఖ్యమంత్రి శ్రీ @revanth_anumula గారిని ప్రముఖ గాయకుడు రాహుల్ సిప్లిగంజ్ గారు జూబ్లీహిల్స్ నివాసంలో మర్యాద పూర్వకంగా కలిశారు. @Rahulsipligunj గారికి ప్రభుత్వం ఇటీవల 1 కోటి రూపాయల నగదు ప్రోత్సాహకం ప్రకటించింది. ఈ నేపథ్యంలో వారు ముఖ్యమంత్రి గారిని కలిసి కృతజ్ఞతలు తెలియజేశారు. pic.twitter.com/8sJgQEaMOB
— Telangana CMO (@TelanganaCMO) August 14, 2025
