حیدرآباد: گوا میں چھٹیاں گزارنے گئے حیدرآباد کے ایک جوڑے پر پاناجی بس اسٹیشن کے قریب کرایہ کی بائیک کے تنازع پر Couple Attackedکیا گیا، مقامی پولیس نے بتایا۔
رپورٹس کے مطابق جوڑے نے پاناجی بس اسٹیشن کے قریب سے ایک بائیک کرائے پر لی تھی۔ واپسی پر جب وہ بائیک واپس کرنے پہنچے تو کرایہ داروں نے مبینہ طور پر 200 روپے اضافی مانگے۔ جوڑے کے انکار پر بحث شروع ہو گئی۔
حملے میں جوڑا زخمی
بحث کے دوران بائیک کرایہ داروں نے جوڑے پر حملہ کر دیا۔ شوہر کے سر پر چوٹ آئی، جبکہ حاملہ بیوی کے چہرے پر زخم آئے۔ مقامی افراد نے پولیس کو اطلاع دی، جس نے جوڑے کو علاج کے لیے گوا میڈیکل کالج منتقل کیا۔
متاثرین نے مقامی پولیس اسٹیشن میں شکایت درج کرائی۔ پولیس نے مقدمہ درج کرتے ہوئے واقعہ کی تحقیقات شروع کر دی ہیں۔
